LAOAG CITY – Inruaren ti Israel ti pakabigbigan dagiti hostage a naikeddeng a waya-wayaan ti Hamas inton bigat.
Basar iti Israeli Prime Ministers Office, karaman kadagiti mawaya-wayaan ket dagiti lima a Thailand Nationals.
Nabigbig dagiti tallo nga Israelis nga isuda Arbel Yehud, agtawen ti 29, Agam Berger, agtawen ti 19 ken Gadi Moses, agtawen ti 80.
Adda ti pakabuklan a 33 nga Israeli hostages nga hinostage dagiti Hamas idi Oktubre 7, 2023 attacks ti manamnama a paruk-atanda iti phase one ti ceasefire deal iti nagbaetan ti Hamas ken Israel.
Inbatad ni Israeli government spokesperson David Mencer a dagiti walo a nabatbati pay nga Israeli hostages ket natayen.
Naammoan a ni Yehud ket na-hostage iti pagtaenganda kaduana ti partner daytoy a ni Ariel Cunio idinto a ni Mosss a maysa nga agronomist ket hinostage iti Kibbutz community ken ni Berger a maysa a suldado ti Israeli ket na-hostage iti military base.
Karaman iti umuna a paset ti katulagan ket ti panangwaya-waya ti Israel ti dua a ribu a Palestinian prisoners no sadinno a nalpasen ti dua a bansada ti panangparuk-atda kadagiti hostage.
Maipalagip a naiget nga intandudo ti Estados Unidos, Egypt ken Qatar tapno ilungalong ti ceasefire deal iti nagbaetan ti Israel ken Hamas.