LAOAG CITY – Mabalin a saan nga usaren ti House prosecution panel ti naan-anay a 31 nga aldaw a naituding para iti pannakaidatag ti ebidensia iti Article I ti impeachment trial ni Bise Presidente Sara Duterte gapu iti judicial notice ti Senate impeachment court kadagiti opisial a rekord ti Kamara.
Segun ken ni private prosecutor Atty. Lorna Kapunan, mabalin a makissayan dagiti dokumento ken saksi a kasapulan a maidasar gapu ta nabigbigen ti impeachment court ti sumagmamano a House records.
Gapu iti daytoy, saanen a nasken nga agtestigo ti House archives official a ni Marivic Pareja mainaig iti custody ken transmittal dagiti rekord.
Kinuna ni Kapunan a mabalin a makissayan ti bilang dagiti saksi gapu kadagiti immun-una a testimonia, pakairamanan dagiti dati nga Office of the Vice President (OVP) special disbursing officer a ni Gina Acosta.
Ni Acosta ket mapapati nga imbilin ni Duterte nga i-turn-over na ti P125 million a confidential funds ken ni Col. Raymund Dante Lachica.
Karamn ti Article 1 ti mapapati a saan nga umno a pannakausar ken saan a regular a pannakaikkat ti P612.5 milion a confidential funds ti Office of the Vice President (OVP) ken ti Departament of Education.
