LAOAG CITY – Nakipaset ti kaadoan nga huwes ti top court idiay Mexico iti maiyus-uswat a tignay-protesta kontra iti plano ti kongreso a mangreporma ti judicial bill iti pagilian.
Nakikappeng dagiti huwes kadagiti rinibo a dadduma a judicial workers a nagsardeng a nagtrabaho gapu iti nasao a plano ti kongreso.
Naamoan a karaman kadagiti proponents iti pannakareporma ti judicial bill ket ni President Andrés Manuel López Obrador.
Inkalintegan ni Obrador a makatulong daytoy tapno mapagsungbat dagiti huwes nga agbasol ngem kuna dagiti kritiko na a makadadael daytoy iti sistema ti Mexico a checks and balances.
Ti kontrobersyal a gakat ket manamnama a maaprubaran gapu ta ti partido ni President Andrés Manuel López Obrador ket majority iti kongreso.
