LAOAG CITY – Nagpila dagiti supporters ni Vice President Sara Duterte ti maikatlo a petisyon iti Korte Suprema a mangkweskwestyunar iti agtultuloy nga impeachment proceedings iti kamara de representantes.
Segun iti 14 a petitioner, karaman ni Commission on Higher Education (CHED) Commissioner Ronald Adamat, kayatda kwesyunaren ti aw-awagan da ti “constitutionally defective” a proseso a maipagarop nga agtungpal iti “political harassment” kontra ken ni Duterte.
Karaman pay kadagiti nagpila ti petisyon ket dagiti miembro ti One Bangsamoro Movement ken 12 nga abogado nga idadaulwan ni Jerryl Rondez-Layog.
Daytoy ket kalpasan ti petisyon ni Duterte ken ni Atty. Israelito Torreon, addan dua a lawas ti napalabas.
