LAOAG CITY – Sukisuken ti Department of Agriculture (DA) no sumango iti legal liability dagiti rice importers para iti container vans dagiti imported a bagas a naduktaklan a nag-overstay iti Manila International Container Terminal (MICT) ti sumagmamano a lawas.
Iti kallabes, kinumpirmaran ti Philippine Ports Authority (PPA) nga adda ti 888 shipping containers no sadinno nga adda ti kargana a 20 million kilograms a bagas nga agdama a nakapenpen iti container yards ti Manila ports.
Immuna iti daytoy, nagpanawagan ni Agriculture Secretary Francisco Tiu Laurel iti Philippine Ports Authority nga iyalisto ti panaggaraw kadagiti rinibu a container vans a naglaon kadagiti imported rice.
Kabayatanna, inbatad ni Philippine Ports Authority General Manager Jay Daniel Santiago a 300 containers ti nasao nga 888 shipping containers ti naikkaten babaen kadagiti consignees.
