LAOAG CITY – Agtultuloy nga umad-ado dagiti kaso ti Chronic Kidney Disease (CKD) iti Pilipinas, ken uray ti bilang dagiti agtutubo ken ubbing nga apektado ket ngimmato pay.
Inlawlawag dagiti eksperto a ti Chronic Kidney Disease ket maysa a progresibo ken saanen a maagasan a sakit, a masansan a madukduktalan laeng no nakaro ken kasapulanen ti pasyente ti ag-dialysis.
Karaman kadagiti kangrunaan a makaigapu iti daytoy ket ti diabetes, altapresyon, nakaro a panaginom ti soft drinks, ken masansan a pannangan kadagiti naapgad, nasam-it ken processed food.
Gapu iti daytoy, nagpalagip manen dagiti eksperto iti publiko a masapol nga ugalien ken ad-adda a danom ti inumen, kissayan ti panagkonsumo kadagiti saan a nasustansya a makan, regular ng ag-ehersisyo ken agpacheckup-up iti doktor aglalo kadagiti addaan ti diabetes wenno altapresyon.
