LAOAG CITY – Isagsaganan dagiti prosecutors iti Kenya ti maipila a kaso a murder kontra kadagiti estudyante gapu iti pannakatay dagiti pada da nga agad-adal kalpasan ti pannakauram ti pages-eskwelaan da iti napalabas a bolan.
Maipalagip nga umabot iti 16 nga estudyante nga agtawen manipod 15 agingga iti 18 ti natay gapu iti sinagaba da a nakana a sugat.
Malaksid kadagiti natay ket dinosdosena a sabsabali pay dagiti nasugatan iti pannakauram ti dormitoryo iti Utumishi Girls’ School iti Gilgil, agarop 120km (77 miles) manipod iti north-west ti ciudad ti Nairobi a kabisera ti Kenya.
Kalpasan ti napasamak ket naarestar a dagus dagiti walo nga estudyante a maipagarop nga adda ti pakainaigan na iti insidente.
