LAOAG CITY – Inbasura ti San Juan court ti kiddaw ni Senador Jinggoy Estrada para iti pannakaiparuk-at ti temporary restraining order (TRO) kontra ken ni dati a Bulacan first district assistant engineer Brice Hernandez.
Inbatad ni Atty. Ernest Levanza, ti legal counsel ni Hernandez, a daytoy ket gapu iti injunction case nga inpila ni Estrada iti San Juan RTC Branch 160.
Inrakurak ni Levanza a gagem ti temporary restraining order ket tapno maprebentaran ni Hernandez nga agaramid kadagiti alegasyon kontra ken ni Estrada mainaig iti maanomalya a flood control projects.
Inlawlawag ni Levanza nga agtultuloy ti kaso ngem ti laeng naibasura ket ti preliminary prayer ni Estrada.
Inkeddeng ti korte ti panagdengngeg iti aplikasyon ni Estrada para iti writ of preliminary injunction intono Nobyembre 12 ita a tawen.
