LAOAG CITY – Inbatad ni National Bureau of Investigation (NBI) Director Jaime Santiago a saan a kasapulan nga imbestigaren ti  kill remarks iti sumagmamano a senador ni dati a Presidente Rodrigo Duterte.

Inpetteng na a dagiti inrakurak ni dati a Presidente Duterte iti election campaign ket agpada laeng a “political propaganda ken rhetoric”.

Inkalintegan ni Santiago a dagiti statement ti dati a presidente ket masapol a maawatan iti konteksto ti political discourse.

Inrakurak pay ni Director Santiago nga inaramid metten ti dati a presidente iti kadapa remarks bayat iti termino na.

Innayon ti opisyal nga iti napalabas nga administrasyon idi adda paylaeng iti turay ni Duterte ket adda ti kanayun nga  statements na a papatayen na dagiti kurakot, banag nga inawat ti publiko ti kastoy a wagas ti panagsarsarita ti dati a presidente.

Nupay kasta, inadmitir ni Santiago nga ita ta nagbaliwen ti panawen, possible a dagiti kastoy a klase ti remarks a napnuan ti kinadamsak ket saanen a nakaaawat ken kasapulan ti kapia.

Kabayatanna, kuna ni Santiado a masapol a dagiti senador ti agpila ti reklamo no ti pammati da ket napangtaan da babaen iti dati a presidente.