LAOAG CITY – Maysa nga estudiante idiay Nagoya, Japan ti nakairekord ti world record kalpasan a nakaaramid daytoy ti kabassitan nga humanoid robot iti intero a lubong.
Kinumpirmaran ti records keeping organization a Guinness World Records a ni Mitsuya Tatsuhiko ti baro a record holder ti titulo nga “Smallest Humanoid Robot.”
Daytoy ket kalpasan a nakapartuat ti maysa nga humanoid robot nga addaan ti kadakkel a 2.27 a pulgada a maidasig iti kadakkelna iti maysa nga ATM card.
Ni Tatsuhiko ket maysa a postgraduate student iti Nagoya Institute of Technology no sadino ad-adalenna maipanggep iti robotics.
Ubing pay laeng isuna ket hilignan ti robotic ken iti tawenn a 10 ket nakaaramiden ti simple a robot nga aggargaraw ti takyag ken luppona.
Ti pokus ti panagadal ita ni Tatsuhiko ket ti panangpartuat ti babassit a robot a makatulong iti panawen ti didigra kas ti gingginged.
Kalikagumna pay a makaaramid ti robot a kabaelanna a makastrek kadagiti naiilet nga espasyo kas kadagiti narpuog a pasdek wenno naiilet nga abut.
