LAOAG CITY – Maysa ti maysa a lalaki kalpasan a nalmes iti karayan iti Brgy. 27 Duripes, Bacarra Ilocos Norte.
Nabigbig daytoy a ni Joey Mar Madariaga, agtawen ti 31, naasawaan ken residente iti nasao a barangay.
Segun kenni Police Lt. Michael Lorenzo, ti deputy chief of police ti PNP-Bacarra, napan iti karayan ti biktima kadua na dagiti dua a kasinsin na tapno agpana ti lames ngem rumrumuar a dagitoy ket adda iti impluwensya ti nasanger.
Inbatad na a bimmatok ti biktima ken nakita met pay laeng dagiti kakadua na nga agkutkuti ti silaw daytoy bayat ti panagpana na.
Inlawlawag na a kalpasan ti 10 agingga iti 15 a minutos ket nadlaw da a saanen nga agkutkuti ti silaw ti biktima ken saan a limmung-aw daytoy rason a pinukkawan da daytoy ngem awan ti simmungbat.
Kalpasan ti sumagmamano nga oras, kunana a nakita laengen dagiti dua ti biktima a nalmes isut gapo na a tinulungan da daytoy.
Naitaray met ti biktima ngem indeklara ni Dr. Manuel Andres iti Bacarra MHO a natay daytoy gapo iti pannakalmes.
Kabayatanna, nagpalagip ni Lorenzo iti publiko nga agannad ken no nakainom ti nasanger ket liklikan ti mapan iti karayan ken dadduma pay.
