LAOAG CITY – Kinumpirmaran ni Police Lt. Wyrlo Gatoc, deputy chief ti PNP-CIDG ti pannakatiliw ti maysa a lalaki gapo iti panangipangta na nga iwaras na ti sex video da iti nobyo na.
Kuna ni Gatoc a ti suspek ket agtawen ti 39.
Segun kenni Gatoc, adda ti naawat da a tawag manipud iti maysa a babai mainaig iti maipagarop a panangpilit tilalaki nga agkanaig da.
Inbatad na nga iti panagkedked ti babai ket nagpangta ti lalaki nga iwaras na iti social media ti sex video da iti babai.
Gapo iti daytoy, nagresponde da iti paset ti maysa nga Inn ken idi tiliwen da ti suspek ket adda bassit ti panagresistar na.
Kunana a desidiso met nga agpili ti babai ti kaso kontra iti suspek ken ti maipila a reklamo ket grave threat ken ti panaglabsing iti RA 9262 wenno ti Violence Against Women and their Children.
Naamoan nga addan ti dua a tawen nga agayan-ayat dagiti dua.
