LAOAG CITY – Manarimaan ti panangisagana ti gobierno lokal ditoy ciudad ti Laoag kadagiti kabaybayan a mabalin a pagpasyaran dagiti turista ita a summer.
Segun ken ni Mayor James Bryan Alcid ditoy ciudad ti Laoag,addan ti pannakitaripnong na iti City Tourism Office mainaig iti daytoy a banag.
Inpakaammo na a plano ti lokal a gobierno a padalusan dagiti coastal areas ditoy ciudad.
Kuna na pay nga adda metten ti pannakikoordinar da iti St. William Cathedral para kadagiti pagpwestoan dagiti merchants tapno adda dagiti mabalin a pagturongan dagiti turista iti rabii.
Innayon na nga ado pay dagiti plano da nga ipatungpal tapno ad-ado pay a turista ti umay agpasyar ditoy ciudad ti Laoag ken ad-adda a mapadur-as ti turismo ngem nagkedked pay laeng a mangidetalye kadagitoy.
