LAOAG CITY – Inrakurak ti Small Business Corporation (SBCorp), financing arm ti Department of Trade and Industry (DTI), a mangirubuat ti maysa a loan program tapno matulungan dagiti Micro, Small, and Medium Enterprises (MSMEs) a makarekobre manipud iti epekto ti Super Typhoon Carina iti napalabas a bulan.
Ti Enterprise Rehabilitation Financing ket agserbi kas special loan facility a mangipaay ti napateg a financing assistance kadagiti maseknan a naapektaran iti nasao a bagyo.
Basar iti Small Business Corporation, ti baro ken agdama a negosio ket mabalin a bumulod agingga iti P300,000 ken bayadan ti kada bulan agingga iti tallo a tawen.
Kabayatanna, dagiti kualipikado iti nasao a programa ket dagiti sumaganad a lugar:
National Capital Region, Ilocos Norte, La Union, Bataan, Pampanga, Bulacan, Tarlac (Camiling), Cavite, Rizal, Laguna (Mabitac), Oriental, Mindoro (Pinamalayan and Baco), Romblon (San Andres), Zamboanga (Tambulig), Davao Occidental (Jose Abad Santos at Trinidad), Cotabato (Kabakan and Pikit).
