LAOAG CITY – Addan ti nasurok 1,500 a Palestino ti pimmusay sipod nangrugi ti panangraot ti Israel iti Gaza.
Inbatad ni Munir al-Bursh, ti Director-General ti Health Ministry iti Gaza a ti nasao a bilang ket iti uneg laeng ti maysa a bulan.
Kunana nga ibilangda pay daytoy kas maysa a massacre gapu ta mairamraman dagiti sibilian iti northern Gaza.
Immunan a nagpanawagan ti adu a pagilian a nasken a makikoordinaren ti Israel ken Hamas iti ceasefire para iti naan-anay a panagleppas ti rinnupak.
