LAOAG CITY – Pinili ni Pope Francis ni Manila Archbishop Luis Antonio Tagle a mangidaulo iti Congregation for the Evangelization of Peoples wenno Propaganda Fide.
Iti report ti Vatican News, sinukatan ni Tagle ni Cardinal Fernando Filoni a nadutukan met kas baro a Grand Master ti Order of the Holy Sepulcher.
Ni Cardinal Edwin Frederick O’Brien a bimmaba iti pwesto idi Abril, kalpasan ti maika-80 a panagkasangay na ti dati nga akin-iggem iti posisyon ni Filoni.
Maipalagip a ni Tagle ti kaunaan nga Asyano a cardinal a naaddaan ti nangato a pusisyon iti kongregasyon sipud nagleppas ti termino ni Cardinal Ivan Dias a maysa nga Indian idi 2011.
