LAOAG CITY – Kinataripnong ni Mayor James Bryan Alcid dagiti grupo ti mannalon ken mangngalap ditoy siudad ti Laoag.
Babaen iti daytoy, napagsasaritaanda ti maipanggep iti pundo a nailatang para iti sektor ti agrikultura.
Inbatad ni Alcid a malaksid iti 8 milyon a pisos nga immuna a budget ket nanayonan pay daytoy ti 10 milyon a pisos nga immunan nga inaprobaranna tapno mausar a mapabileg ken mapapigsa ti sektor ti agrikultura ditoy siudad.
Inpasingked pay ti Mayor ti agtultuloy a suporta iti panangipaay ti alisto a serbisio para kadagiti mannalon ken mangngalap ditoy siudad ti Laoag.
