LAOAG CITY – Personal a napan kinita ni Mayor James Bryan Alcid ti lugar a possible a pakaestablisaran, madevelop ken mapagbalin nga Agri-eco Tourism Site ditoy ciudad ti Laoag.
Karaman ditoy ti kabanbantayan iti paset ti Barangay Barit nga aglawa ti 3,500 square meters ken ti nangato a paset ti sand dunes iti boundary ti Barangay Talingaan-La Paz nga aglawa ti 9 nga ektarya.
Gagem ni Mayor Alcid iti pannakadevelop ti agri-eco tourism tapno ad-adda pay a maiyam-ammo ti siudad iti benneg ti turismo ken ad-ado pay ti pagpasyaran dagiti umili ken bisita.
Kadua ni Mayor Alcid a napan nagsursor kadagiti nadakamat a lugar dagiti kameng ti City Engineering Office, Agriculture Office, Assessor’s office, City Administration Office ken legal office.
