LAOAG CITY – Inpasingked ni Mayor Michael Marcos Keon nga agtultuloy ti pannakaipatungpal dagiti programa iti lokal a gobierno kadagiti nagduduma a sektor.
Segun kenkuana, naawaten dagiti senior citizens nga agtawen iti 80 ken agpangato ti dua a ribu a pisos kas financial assistance dagitoy no sadinno maawatda daytoy iti tinawen.
Inbatadna nga immunan nga inlungalong daytoy a programa ni Sangguniang Panlungsod Member Handy Lao ken sangsangkamaysa nga inaprobran dagiti agpanpanday linteg.
Malaksid iti daytoy, naammoan nga adda ti inpasa iti konseho maipanggep iti pannakaipaay ti insentibo para kadagiti senior citizens nga agtawen iti 70 ken agpangato.
Innayon ni Mayor Keon a nakasagana ti lokal a gobierno a tumulong kadagiti umili babaen iti Aid to Individuals in Crisis Situation.
