LAOAG CITY – Natay ti maysa a baka a nagmaris ti brown gapo iti pannangan na ti kontaminado a watercress idiay Barangay 55-A, Barit ditoy ciudad ti Laoag.
Nabigbig ti agtagikua iti baka a ni Mr. Virgilio Rangel Esteban, agtawen ti 41, naasawan, maysa a mannalon ken residente iti nasao a lugar.
Segun kenni Esteban, inwayway na idi pagtatalonan ti baka na idi Mayo 26 iti alas-tres ti malem ken idi parbangon ti Mayo 27 ket nadisbkubre na a nakadasay ti taraken na.
Basar iti naiyuswat nga eksaminasyon babaen kenni Dr. Arturo Cabello, ti City Veterinarian, ti rason ti pannakatay ti baka ket gapo iti fascioliasis wenno nakapangan ti napasuyutan a ruot.
