LAOAG CITY – Kinumpirmaran Police Major Joseph Tayaban, ti chief of police ti PNP-Badoc a natiliw da dagiti 36 nga indibidwal gapo iti panagtutupada iti Barangay Sta Cruz iti nasao nga ili.
Segun kenni Tayaban, maysa a Sang. Bayan Member iti nasao nga ili ti maysa kadagiti natiliw a nagtutupada.
Inlawlawag na nga iti naglabas ket iti mismo a pataengan ken farm ti Sang. Bayan Member ti pakaisaysayangkatan daytoy ken no mangiyuswat ti operasyon ket arig na makadlaw dagitoy.
Kunana nga adda pay dagiti nakalibas kalpasan a timmapwak da iti alad ken kurang dagiti pulis gapo ta add pay ti naiyuswat a drug buy bust operation iti nasao met laeng nga ili.
Nakumpiskar dagiti otoridad dagiti narway a manok a para-pallot ken ti tadi ti manok.
Mainaig iti daytoy, kuna ti hepe a ti nagbalin a palawag dagiti suspek ket inpagarop da nga adda ti permit ti nasao a panagtutupada.
Ummuna iti daytoy, kunana nga iti naglabas nga aldaw ket adda ti report a maaw-awat da manaig iti iligal a panagsusugal.
Kabayatanna, kinumpirmaran ni Tayaban nga adda dagiti maaw-awat na a mensahe manipud kadagiti local officials nga arig na mang-areglo ngem saan na nga inkaskaso daytoy.
Iti agdama, ket adda iti kustudiyar ti PNP dagiti nasao a natiliw.
