LAOAG CITY – Naarestar ti maysa nga indibidual gapu iti kasona a Direct Assault iti ili ti Dingras.
Nabigbig ti suspek nga agtawen 52, lalaki, naasawaan ken residente ti barangay Foz, iti ili ti Dingras.
Naarestar ti suspek gapu iti bileg ti warrant of arrest nga inparuk-at ni Hon. Nida B. Alejandro iti Presiding Judge, Municipal Circuit Trial Court, First Judicial Region, Dingras-Marcos Ilocos Norte.
Kabayatanna, narekomendaran ti nasao nga akusado ti P12,000 piansa para iti temporarrio a pannakawaya-wayana.
Ti naarestar a suspek ket naikabil iti Dingras District Hospital para iti medical examination sakbay a maisubli manipud iti naggapuananna a korte.
