LAOAG CITY – Dead on arrival iti ospital ti maysa a lalaki kalpasan ti pannakadesgrasya na iti Barangay Suyo, Dingras, Ilocos Norte.
Nabigbig daytoy iti alyas Puldo, agtawen ti 53, naasawaa ken residente iti nadakamat a lugar.
Basar iti panagimbestigar ti PNP-Dingras, agpadpadaya a direksyon ti biktima a nakalugan ti Honda Wave 110 nga addaan ti MV File Number 0101-0565483 idi napukawan ti kontrol ken nagderetso wenno naitapwak iti kanal.
Naitaray daytoy iti Dingras District Hospital ngem naideklara a dead on arrival babaen kenni attending physician Dra. Jaqueline Hernando.
Naamoan a ti biktima ket adda iti impluwensya ti nasanger idi napasamak ti insidente.
