LAOAG CITY – Natay ti maysa a mayoral candidate ken tallo a sabsabali pay kalpasan a napaltu-paltugn dagitoy kabayatan ti panagkampanya da iti Veracruz, Mexico.
Basar iti video, mabuya a nabuwak ti kampanya ti kandidato gapu iti nagsasaruno a putok ti paltog.
Nabigbig ti natay a mayoralty candidate a ni Yesenia Lara Gutiérrez.
Malaksid kadagiti natay ket adda pay ti tallo a sabsabali a nasugatan iti insidente.
Inbatad ti Prosecutor’s Office ti Veracruz a nakalugan ti motorsiklo dagiti suspek.
Saan pay a masinunuo no ania ti motibo iti napasamak a krimen.
