LAOAG CITY – Mapatta-patta nga agbalor ti P1.7 million a maipagarop a shabu ti nakumpiskar dagiti otoridad iti maysa Real State Agent babaen ti pannakaiyuswat ti checkpoint operation iti Brgy. 8 Capangdanan iti ili ti Pinili ditoy probinsia.
Nabigbig ti suspek nga agtawen ti 56, babai, naasawaan, Real State agent iti siudad ti Maynila, Provincial Street Level Indiviual ken agtutubo iti Brgy. 1 Balbuena iti nasao nga ili.
Inbatad ni Pol. Capt. Kester Arellano, chief police iti Philippine National Police iti ti Pinili a nairanta laeng a nangiyuswatda ti checkpoint operation bayat nga saan a anatuloy ti transaksion ti maiyuswat nga Anti-Illegal Drug Buy-Bust Operation.
Segun kenkuana, nakikoordinar ti Pronvicial Drug Enforcement Unit kadakuada tapno matiliw ti suspek.
Nakumpiskar iti suspek ti 5 heat-sealed transparent plastic sachets nga addaan ti sumurok-kumurang 250 grams a maipagarop a shabu a mapatta-patta nga aggatad ti P1.7 million pesos.
Mainaig iti daytoy, nakumpiskar pay iti suspek ti maysa a blue a back pack, maysa a gray plastic bag, amysa a dark blue plastic package, dua kolor ti white tissue paper, maysa a digital weighing scale, maysa a brown paper, maysa a black sling bag, maysa color black wallet, maysa a cellphone ken P32,080 cash.
Segun kenni Arellano, dagus nga inbelleng ti suspek dagiti sachet a naglaun ti maipagarop a shabu ken imbagana kadagiti otoridad a kay-kayatna ti matay ngem iti matiliw.
Malaksid iti daytoy, basar iti nakalap nga inpormasion dagiti otoridad ket addaan ti dati a kaso ti suspek.
Kabayatanna, nagtalinaed ti subject iti kustodiar ti Philippine National Police iti nasao nga ili ken maipiliaan ti kaso a panaglabsing iti Republic Act 9165 wenno Comprehensive Dangerous Drugs Act of 2002.
