LAOAG CITY – Awan ti makita a foul play iti pannakatay ti maysa a senior citizen kalpasan a narekobre ti bangkay na iti ili ti Paoay.
Segun iti Philippine National Police, ti biktima ket agtawen ti 66, naasawaan, farm caretaker ken residente iti Brgy. 17 Santa Asuncion, San Nicolas, Ilocos Norte.
Inbatad ti pulisya a nakaawat da ti report nga adda ti nalmes isut gapo na a dagus da a nagresponde.
Iti imbestigasyon dagiti otoridad, idi Nobiembre 2 ket naginom ti biktima ken rumrumuar a kalpasan daytoy ket mapukpukaw.
Kalpasan daytoy ket nakita ti agtawen ti 58 a residente iti Brgy. 22 iti ili ti San Nicolas ti kallugong ken tsinelas ti biktima nga agtatapaw iti piskarya.
Kabayatanna, mapapati a ti biktima ket na-stroke ken naregreg iti fishpond nga addaan ti kauneg a 10 a kadapan isut gapo na a nangiyuswat da ti search and retrieval operation agingga a nakita ti bangkay na.
Kumbinsido met ti pamilya ti biktima nga awan ti foul play iti insidente.
