LAOAG CITY – Naragsak nga inburay ni Ms. Angeli Maranan Banaag, akinkukua ti Artritos a maysa isuda kadagiti nakipaset iti international exhibit a naisayangkat idiay Taiwan.
Segun kenkuana, dakkel daytoy nga oportunidad kadakuada gapu ta saan laeng a maitandudo ti negosioda ditoy probinsia no di ket maipanpannakkel pay iti ballasiw-taaw.
Inbatadna nga adda ti 20 a pagilian ti nakipaset iti naindaklan nga international exhibit kas ti Pilipinas Singapore, Cambodia, Malaysia, China, Amerika, Japan ken dadduma pay.
Inlawlawagna nga adda ti dua a taga Ilocos Norte ti saan a nagpaudi tapno itampok dagiti ilaklakoda a produkto kadagiti gangganaet.
Kunana a kadagupan kadagiti amin a pagilian a nakipaset iti naisangsangayan nga aktibidad ket ti Pilipinas ti kaaduan ti nailako nga art fair.
Innayonna a ti simple nga ideya ket mabalin a maminpinsan a mangbalbaliw ti estado iti panagbiag.
