LAOAG CITY – Natay ti maysa nga ilukano kalpasan a nalmes iti baybay iti mismo a kaaldawan ti kasangay na idiay Hawaii.
Nabigbig ti biktima a ni Patrick Ramos, agtawen ti 44, naasawaan, taga Sta Maria, Ilocos Sur ngem agdama nga agnanaed idiay Wailuku, Maui.
Iti nakalap nga impormasyon ni Bombo International Correspondent Manny Pascua idiay Hawaii, napan nagpipicnic ti biktima ken ti pamilya na iti Hāna Bay idiay Maui.
Inbatad ni Pascua a basar ti pamilya ni Ramos ket nagdive iti danom ti biktima ken maipagarop a naawanan ti poot a nangitunda ti pannakalmes ken pannakatay na.
Manamnama a maotopsiya ti bangkay ni Ramos tapno maamoan no ania ti pudno a nakatayan na.
