LAOAG CITY – Nangipatulod ti Mariano Marcos Memorial Hospital and Medical Center (MMMHMC) iti ciudad ti Batac ti Medical Team da idiay Batangas.
Daytoy ket tapno tumulong kadagiti evacuees nga agkaproblema ti salun-at gapu iti iti panagbettak ti Bulkan Taal.
Daytoy ti inbatad ni Doctor Romel D. Rasos, ti Disaster Risk Reduction Management Manager ti nasao nga ospital.
Segun ken ni Rasos, bukbuklen ti medical team ti sumagmamao a doctor, nurses ken adda pay ti ambulansya nga intugot dagiti maseknan.
Bitbit dagiti maseknan iti panagturong da idiay Batangas ti medical supplies ken equipment kas ti nebulizer machines, N95 mask, surgical mask, nagduduma ti klase na nga agas kas ti antibiotics, multivitamis, agas ti eye irritation, asthma ken lung problems.
Innayon na nga agpaot ti inpatulod da a medical team idiay Batangas iti uneg ti dua a lawas, ken kalpasan iti daytoy ket mangipatulod da manen ti sabali a batch.
Nagturong ti medical team ti MMMHMC idiay Batangas idi aldaw ti domingo.
