LAOAG CITY – Naiget a suporta dagiti pada a Pilipino iti nagbalin nga inspirasyon ti Philippine Shooting Men’s Trap Team tapno magun-od da ti balitok a medalya iti 30TH Southeast Asian Games (SEAGames)
Daytoy ti inbatad ni Mr. Eric Ang, maysa kadagiti miyembro ti team a taga ciudad ti Laoag.
Segun kenni Ang, nakurang ti preparasyon a nagsanay iti daytoy nga ay-ayam agsipod ta kalkalpas ti venue da idi Sabado.
Kunana a daytoy iti maikatlo a makaala ti gold medal iti SEAGames no sadinno nga immuna a nakagun-od ti balitok a medalya idi 1999 idiay Brunei ken idi 2003 idiay Vietnam.
Kadwa ni Ang da Carlos Carag ken Alexander Topacio.
Karaman kadagiti nakalaban ti Phillipine Team ket Thailand, Singapore, Myanmar, Vietnam ken Malaysia.
Nagyaman met ni Ang gapu iti ipapaay a suporta ti gobyerno ken Shooting Community iti team da ken amin nga atleta a Pilipino.
Inpanakkel pay ni Ang ti panagturong ni dati a senador Bongbong Marcos idiay Subictapno mabuya ti laban da.
Innayon na nga idi makita da ti presensya ni Marcos ket ad-adda pay a timmured da a nagay-ayam agingga a nagun-od da ti balitok a medalya.
Innayon na nga isagsaganaan da ti masungad a 2024 Paris Olympics.
