LAOAG CITY – Inbatad ti maysa a private lawyer a ni Atty. Juanito Antonio nga idi paylaeng damo ket ammo nan a saan nga agpursige ti dua nga impeachment complaints kontra ken ni Presidente Ferdinand Marcos Jr.
Inpetteng ni Atty. Antonio a naibaga na a saan nga agpursige wenno agballigi ti reklamo gapu ta dagiti complainants ket awan ti personal knowledge da iti iyak-akusar da iti presidente.
Inlawlawag na a ti fundamental requirements no agakusar ket maibasar iti personal knowledge ken pasurutan kadagiti authentic documents, banag nga awan kadagiti complainants.
Innayon na a ti laeng adda kadagiti nagreklamo ken bukod da a kapanpanunutan dagiti ibatbato da nga alegasyon kontra ken ni Presidente Marcos Jr.
Mainaig iti daytoy, dinayaw ni Atty. Antonio dagiti agpanpanday linteg a nagbotos nga awan ti substansia ti impeachment complaint a naipila kontra ken ni Presidente Marcos.
