LAOAG CITY – Nasursurok ngem maysa million a pisos ti naipaay a sueldo kadagiti nagbalin a Tourism Ambassadors ita a tawen.
Daytoy a programa ket indauloan ni Gob. Matthew Marcos Manotoc ti pannakaipaay ti sueldo dagiti nagbalin a benepisiario ti ummuna a bansada ti Summer Tourism Operation and Employment Program ita a tawen ti 2024.
Segun iti Gobernador ket addaan ti sangagasut ket sangapulo ket siam ti nagbalin a benepisiarsio ti nasao a programa.
Mainaig iti daytoy, immawat dagiti benipisiaro iti aggatad walo ribu pito gasot a pisos kas panagserbi dagitoy iti uneg ti 20 nga aldaw a kas Tourism Ambassadors.
Inlawlawagna a kangrunaan a gaem ti gobierno probinsial ti panagtultuloy ti nadakamat a programa ken tapno maipasigurado nga agtalinaed iti lagip dagiti turista ti kinapintas ditoy probinsia babaen ti tulong dagiti Tourism Ambassadors.
Kabayatanna, inpanamnama ti Gobernador nga agtultuloy ti pannakikammayet dagiti benipisiario kadagiti nagduduma a programa iti Provincial Government ti probinsia babaen iti panagdur-as ti tourismo ditoy probinsia.
