LAOAG CITY – Maikonkonektar dagiti naipagagangay a preserbatibo tapno mapagtalinaed a natalged dagiti taraon ken napapaot nga ipauneg, iti sakit a cancer ken type 2 diabetes.
Daytoy ket basar iti dua a baro a panagadal nga insayangkat dagiti agsuksukisok manipod iti France.
Basar iti NutriNet-Santé study a nangrugi pay idi 2009, naikompara dagiti 170,000 participants iti diyeta ken lifestyle manipod iti medical data a masarakan iti French national health care system.
Gapu iti daytoy, inpaganetget ni senior author Mathilde Touvier, principal investigator ti NutriNet-Santé study, ti kinapateg ti presko, buo ken minimally processed foods, a kaadoan ket mula.
