LAOAG CITY – Nakumpirmaran ti Bombo Radyo Laoag nga idi pay disyembre itay napan a tawen nga expired ti permit ti mairekreklamo a poultry farm iti Barangay 19 iti ili ti Sarrat gapu iti kaado ti ngilaw na.
Naamoan manipod ken ni Mr. Jay-are Corpuz, farm manager a saanna a masigurado no nakaala ti permit ita a tawen ti akinkukua ti nasao a farm.
Binigbig na ti akinkukua ti poultry farm a ni Grace Coloni nga agnanaed idiay Canada.
Inadmitir na a no kalepleppas ti panagpasuyot da ti insecticide ket saan a maliklikan nga agtaod ti ngilaw iti lugar.
Nupay kasta, inpasingked na a saan da nga agsardeng agingga a saanda a mapatay amin dagiti ngilaw iti nasao a poultry farm.
