LAOAG CITY – Mamati ni National Police Commission (NAPOLCOM) vice chairperson and executive officer Rafael Vicente Calinisan a saanen a kasapulan ti ar-aramiden ti Philippine National Police (PNP) a mangselyo ti service firearms dagiti police officers iti masking tape kabayatan ti holidays.
Inpetteng na a ti maar-aramid a panangselyo ti masking tape iti paltog dagiti pulis tapno maliklikan wenno malapdan ti indiscriminate firing ket maibilang laeng a drama.
Inbatad na a kasapulan ti agtalek iti Philippine National Police ken awan ti maaramidan ti masking tape iti paltog isut gapuna a saanen a kasapulan nga aramiden da pay daytoy.
Innayon na a siasinno man a police officer nga ag-indiscriminate firing ket mapatawan ti pannusa, adda man wenno awan ti selyo na.
Kuna pay ni Calinisan a sigurado a saan nga agpaputok ti paltog dagiti miembro ti nailian a pulisya gapu ta isuda ti mangsigurado a natalged ti paskua ken baro a tawen ti kada Pilipino.
