LAOAG CITY – Kinumpirmaran ni Police Major Joseph Tayaban, chief of police ti PNP-Badoc a nabirukanen dagiti dua a mangalap a napukaw bayat nga adda da iti tengnga ti taaw idi parbangon kalman a residente iti Barangay Gabut Norte iti nasao nga ili.
Segun kenni Tayaban, umabot iti 21 nga oras nga adda dagiti mangalap nga agama a da Oscar Retamal kenni Aljon Pagud iti taaw ken nakadanon da iti Barangay Lapaz ditoy ciudad ti Laoag.
Inlawlawag na a basar iti panagimbestigar da ken iti coastguard ket napattog ti bangka dagiti agama ken adda pay ti bittak daytoy.
Gapo iti daytoy, kunana nga inusar dagiti maseknan ti bangka da a pinagpatapaw agingga a nakadanon da iti Barangay Lapaz ditoy ciudad ken nagkamang da iti pagtaengan partikular iti agnagan ti Gemma Basican nga isu pay ti nangipaay ti makan kadagitoy.
Inbatad na a dagus a naireport iti PNP ken naikoordenar met iti coastguard ken dagitoy ti napan nangsukon kadgaiti agama.
Mainaig iti daytoy, dimmalan met iti check up dagiti dua a mangalap gapo iti panagkapsot da.
Ummuna iti daytoy, naireport kadakuada a mapukpukaw dagiti agama kalpasan a napan da iti baybay.
