LAOAG CITY – Inpakaammo ni Mr. Adreanne Pagsolingan, Information Officer II ti Office of the Civil Defense (OCD) Region I, nga umabot iti 302 a ribu nga indibidual ti naapketaran iti idududprak ti Bagyo Kristine ditoy rehion uno.
Segun kenkuana, adda ti 1,745 a pamilia a pakabuklan ti 5,705 nga indibidual ti agtaltalinaed pay laeng iti evacuation center.
Kinunana nga umabot iti 250 a pagtaengan ti nadadael idinto nga 6 ti nairekord a totally damaged ditoy rehion 1 gabuay ti bagyo ken iti benneg ti imprastaktura, pakairamanan dagiti rangtay ken kalsada ket umabot iti P114-M ti gatd dagiti nadadael.
Inbatadna nga iti probinsia ti Pangasinan ti kadakkelan a bilang ti naapektaran a residente no sadinno dagiti kangrunaan a rason iti panagbakwitda ket gapu kadagiti naimonitor a storm surge.
Mainaig iti daytoy, adda ti maysa a report a naawatda manipud iti probinsia ti La Union ti mapukpukaw nga indibidual ngem mannarimaan ti panag-validate no daytoy ket adda ti pakanaiganna iti bagyo.
Innayonna pay nga iti probinsia ti Pangasinan ti kaaduan a nadadael iti imprastruktura ken populasion, idinto a ti La Union ti kaaduan a nadadael a pagtaengan.
Kinunana a maysa kadagiti rason no apay a saan pay a mabalin nga agsubli nakasubli iti pagtaenganda dagiti dadduma a pamila ket gapu ta awan saan pay dagitoy a palubusan dagiti lokal a gobierno tapnu maipasigurado ti kina
Kinunana a maysa kadagiti kangrunaan a rason no pay a saan pay a nagsubli dagiti dadduma a residente a nagbakwit ket gapu ta awan pay ti pammalubos manipud iti bukodda a lokal a gobierno.
Inpasiguradona nga agtultuloy ti pannakikoordinar ti Office of the Civil Defense – I kadagiti nagduduma nga ahensia tapno maipaayan ti relief operations dagiti apektado a probinsia iti rehion 1.
Nupay kasta, saan pay a masinuno no dakdakkel ti gatad dagiti nadadael iti damages ti Bagyo Julian no idasig iti bagyo Kristine nangruna ket mannarimaan pay laeng ti validation da para iti daytoy.
