LAOAG CITY – Natay ti maysa a lalaki kalpasan a nadungpar ti nagluganan a motorsiklo na ti puon ti kayo iti paset ti Purok Ilang-Ilang, Brgy. Salalanip iti ili ti Pinili.
Nabigbig ti biktima a ni Kenny Raffy Vergara y Sacanay, agatwen ti 32, awanan ti asawa, maysa a construction worker ken residente iti nasao a lugar.
Iti imbestigasyon dagiti otoridad, kabayatan ti panagpaabagatan ti driver ken nakadanun iti kurbaan ken napukawan ti kontrol.
Gapo iti daytoy, nadungpar ni Vergara ti puon ti kayo a mahogany.
Nagsagaba ti biktima ti nakana a sugat ti ulo ken naitaray iti Carmelli Clinic and Hospital iti Brgy. Apatot iti nasao nga ili.
Naamoan a bayat a maag-agasan ket naideklara a natay babaen kenni Dr. Daniel Erika Cabading gapo ti traumatic brain injury.
