LAOAG CITY – Pimmusayen ti beterana nga aktres a ni Nora Aunor iti tawen na a 71.
Kinumpirmaran daytoy ti anak na a ni Kristoffer Ian De Leon no sadinno a pimmusay ti aktres iti mismo a The Medical City, Pasig City.
Saan a dinakamat ti pamilya na no ania ti rason iti nakatayan na.
Naipasngay ti aktres wenno Nora Cabaltera Villamayor iti pudno a biag idi Mayo 21, 1953 idiay Camarines Sur.
Nangrugi ti karera na idi nagkampeon iti Tawag ng Tanghalan idi 1967.
Naglako pay daytoy ti danom iti istasyon ti tren iti Bicol agingga a nagbalin a nalatak a kumakanta.
Ti actress ket maibilang kas agmaymaysa a superstar ti Philippine entertainment industry ken napadayawan kas National Artist for Film and Broadcast Arts.
Isuna pay ti maibilang a kaunaan nga aktres a morena.
Naruay dagiti awards a nagun-od na kadagiti pelikula kas iti 19th Cairo International Film Festival idi 1995 iti pelikula a “The Flor Contemplacion Story” idinto a ti pelikula na nga “Ang Himala” idi 1982 ket maibilang kas CNN APSA Viewers Choice Award ti Best Asia-Pacific Film of all time idi 2008.
Maibilang daytoy kas most nominated actress iti leading iti pakasaritaan ti FAMAS Awards nga addaan ti namin-17 a daras a nominado sipud pay idi 1973, maikadwa iti pimmusay nga aktor a ni Eddie Garcia nga addaan ti 23 a nominasyon iti leading ken supporting role.
Tawen 1991 idi nagbalin a FAMAS Hall of FAMAS a daytoy ti maikanem kadwa na da Eddie Garcia, Joseph Estrada, Charito Solis, Fernando Poe Jr.ken Vilma Santos.
Kabayatanna, iti Gawad Urian ket addaan daytoy iti 21 a nominasyon no sadinno a pito ti nangabakan na idinto nga iti Metro Manila Film Festival ket nangabak iti walo a best actress trophies nga addaan ti 13 a nominasyon iti lima a panangabak.
Isuna laeng ti nangabawak ti best actress awards iti tallo a nagsasaruno a tawen ti Film Academy of the Philippines ken kakaisuna a kaadoan ti international best actress awards ken nominasyon.
Isuna ti kakaisuna nga actress ti Pilipinas a nangabak kadagiti international awards iti lima a nagduduma a kontinente a pakairamanan ti : 19th Cairo International Film Festival in 1995 (Africa), 1st East Asia Film and Television Award in 1997, Asian Film Awards in 2013 and 3rd Sakhalin International Film Festival (Asia), 31st Festival International du Film Indépendant de Bruxelles in 2004, Premio Della Critica Indipendiente in 2013 and St. Tropez International Film festival in 2015 (Europe), Asia Pacific Screen Award in 2013 (Australia) ken Green Planet Movie Award (North America).
Idi Hunyo 10, 2022 ket napadayawan isuna kas Order of National Artist ti pagilian.
