LAOAG CITY – Ibilang ni Ret. Judge Jaime B. Santiago, direktor ti National Bureau of Investigation a maysa nga ‘harassment’ ti baro a reklamo a sangsangwen ni Department of Justice Sec. Jesus Crispin Remulla iti Office of the Ombudsman.
Segun kenni Santiago, makitkita na a pananglapped laeng ti inreklamo ni Atty. Ferdinand Topacio iti Ombudsman.
Daytoy ket kalpasan nga inpila ti abogado ti reklamo nga arbitrary detention kontra kada NBI Dir. Santiago ken Justice Sec. Remulla iti Ombudsman.
Mainaig daytoy iti maipagarop nga iligal a pannakatiliw ken pannakaibalod da Cassandra Li Ong ken Shiela Guo iti napalabas a tawen.
Nupay kasta, inbatad ni Santiago a ti reklamo ket gage na laeng a saan a maipaayan ti clearance ni Justice Sec. Remulla iti Ombudsman.
Ti clearance ket isu ti maysa kadagiti ‘requirements’ ti Judicial and Bar Council tapno mairaman iti nominado wenno shortlist iti posisyon nga Ombudsman.
Naamoan a ti agdama a sekretaryo ti ahensya ket maysa kadagiti aplikante isut gapo na a mamati ni NBI Chief Santiago a dagiti reklamo ket panggulo laeng.
