LAOAG CITY – Naiget a naglikudan ni National Bureau of Investigation (NBI) Director Melvin Matibag ti maipagarup a mansion na idiay Estados Unidos no sadinno a saanda nga agpada ti nagan iti akin kukua ti nasao a mansion.
Kuna ni Matibag nga agduma ti middle initial-da iti akin kukua ti mansion isu ti gapu na a kunana a peke a damag daytoy.
Inpettengna a ti alegasion ket mangapektar laeng iti kredibilidadna kas testigo iti House prosecution panel iti impeachment trial ni Vice President Sara Duterte.
Ni Matibag ti nagtestigo kadagiti alegasion a nilabsing ni Duterte ti konstitusion, nagkomit ti kriminalidad, ken ti panangliputna ti publiko iti babaen ti maipagarup a panagpangtana ti biag ni Presidente Ferdinand ‘Bongbong’ Marcos Jr.
