LAOAG CITY – Inbatad ni National Bureau of Investigation Dir. Atty. Melvin Matibag ti panangbukel ti ‘task force’ tapno maimbestigaran ti maipagarup nga anomalia iti Southeast Asian (SEA) Games nga indauloan ti pagilian idi 2019.
Segun iti direktor, ti nadakamat nga unit ti National Bureau of Investigation (NBI) ket pagpukosanda ti panag-imbestigar mainaig iti nadakamat a pondo a maipagarup a saan a na-liquidate.
Kunana pay a nakaawatda ti impormasion ken dagiti dokumento a mangiduron kenkuada a tingitingen ti posible nga anomalia iti Sea Games Organizing Commitee.
Pakabuklan ti nadakamat a ‘taskforce’ ti ‘financial investment unit’ ken ‘special action unit’ ti nagbinnuligan ti National Bureau of Investigation (NBI), Securities and Exchange Commission (SEC) ken Commission on Audit (COA).
Iti agdama, awan pay ‘identified’ iti dokumento ngem addan ti indibual a maimbestigar.
Inlawlawag ni Dir. Matibag a ti pannakaisayangkat ti imbestigasion ket ‘incidental’ idi bimmisita iti National Bureau of Investigation Academy iti Pampanga.
Kabayatanna, kunana a nakaawat ti impormasion ken dokumento ti National Bureau of Investigation (NBI), gapu iti daytoy ket kitaendati posible nga anomalia.
Mainaig iti daytoy, depensa met ti direktor a ti pannakaiwayat ti imbestigasion ket awan pakainaigan iti nagbaetanda ken ni Senador Alan Peter Cayatano.
Kabayatanna, inrakurakna a respetaren dagiti miembro ti Senado ken nairana laeng ti pannakairaman ti senador iti komite a maimbestigaran.
