LAOAG CITY – Naikeddeng nga ipasango ti House prosecution panel ti sumaruno a testigoda ita nga aldaw para iti agtultuloy nga impeachment trial kontra ken ni Vice President Sara Duterte mainaig iti imbestigasion ti National Bureau of Investigation (NBI) iti maipagarup pangta iti biag da Presidente Ferdinand Marcos Jr., First Lady Liza Araneta-Marcos ken dati a House Speaker Martin Romualdez.
Basar ken ni House prosecution spokesperson ken Lanao del Sur Rep. Zia Alonto Adiong, naikeddeng a tumestigo ni Atty. Jeremy Lotoc, regional director ti NBI-Bangsamoro Autonomous Region in Muslim Mindanao (BARMM).
Inbatad ni Adiong nga iprisintar ni Lotoc ti inwayat ti National Bureau of Investigation (NBI) nga imbestigasion mainaig iti nadakamat nga insidente.
Ti testimonia ni Lotoc ket manamnama a mangituloy iti immunan a rakurak ni National Bureau of Investigation Senior Agent John Mark Calilung, a nangpaneknek ti kina-authentic dagiti video recording ken digital files mainaig iti nagbalin a rakurak ni Duterte idi Nobiembre 23, 2024.
Inpetteng ni Adiong a ni Lotoc ti mangituar ti resulta ti imbestigson ti NBI maiaig iti maipagarup panagpangta.
Nakasentro ti impeachment case iti maipagarup grave threats a rakurak ti Bise Presidente iti maysa nga online press briefing idi Nobiembre 23, 2026.
