LAOAG CITY – Inpakaammo ni Dr. Alan Taylan, ti St. Camillus de Lellis Hospital ditoy siudad ti Laoag a “personal choice” dagiti babbai no kayatda wenno saan nga agisuot ti underwear iti uneg ti pagtaenganda ita a panawen ti kalgaw.
Segun kenkuana, nasaysayaat no agusar dagiti babbai ti cotton underwear para iti nabangbang-ar a kaririknada iti baet ti kinabara ti paniempo kadagitoy a gundaway.
Inbatadna a babaen iti daytoy ket maliklikanda ti fungal infection wenno candidiasis ken makarikna pay ti napresko nga angin.
Inlawlawagna a napegpeggad para kadagiti babbai a makaala ti nasao a sakit no idasig kadagiti lallaki gapu iti nagdumaan ti sexual organ ti maysa a tao.
Kunana nga a napinpintas a pagtalinaeden a “dry” ti sellang tapno saan nga agbasa a mabalin a mangitunda ti sakit ken liklikan ti masansan a panagkudkod iti daytoy.
Maipalagip nga insingasing ni Iloilo 1st District Rep. Janette Garin a liklikan dagiti babbai ti panagisuot ti underwear iti pagtaengan bayat ti kinapudot ti panawen.
