LAOAG CITY – Iti baet ti panangikagumaan ti administrasion ni Pres. Ferdinand Marcos Jr. ti panangpababa ti presio ti bagas iti 20 a pisos iti kada kilo ket napaay latta ti gobierno a matungpal daytoy.
Agtultuloy ti panagngato ti presio ti bagas manipud iti P35 agingga iti P60 iti kada kilo gapu iti maipagarup a saan nga stable ti sektor ti agrikultura ken agricultural product iti pagilian.
Segun ken ni dati a Department of Agrarian Reform Secretary Bernie Cruz, a makitana ti pannakaipatungpal ti panagbaba ti presio ti bagas iti P20 iti kada kilo iti babaen ti panangipatungpal ti “mega farms project” kadagiti kataltalonan.
Kuna ni Cruz a posible a maipatungpal ti P20 iti kada kilo ti bagas iti kanito a maipatungpal ti pannakaipasdek kadagiti “mega farms” tapno pagtitiponen dagiti babassit a daga a pagtatalonan tapno agbalin a “mega farms” para iti produksion ti irik.
