LAOAG CITY – Dakkel a tulong iti ekonomia ti probinsia ti panagbalin nga insurgency free no sadinno a 95 a porsiento a drug free ken panagbaba ti bilang ti krimen.
Segun ken ni Gov. Cecilia Araneta Marcos, ti dati ket white zone laeng ti probinsia wenno saan a karaman iti insurgency ngem gapu iti daytoy baro nga update ti Armed Forces of the Philippines ket ad-adda manen a magutigot dagiti investors nga umay ditoy probinsia.
Inbatadna a ti panagbalin a sumurok 95% drug free ti probinsia ket masapul laengen ti uppat a porsiento wenno pannaka-drug free ti 41 a barangay.
Inlawlawagna nga adda pay ti panagbaba ti bilang ti krimen ditoy probinsia.
Kunana a kanayon a mangipaay ti update ni P/Col. Joemar Labiano, Provincial Director ti Ilocos Norte Police Provincial Office mainaig kadagiti mapaspasamak.
Innayonna a kalikagum ti gobierno probinsial nga adda ti maestablisar a rehabilitation center ditoy probinsia partikular iti umuna ken maikadua a distrito.
