LAOAG CITY – Im-imbestigaren ita ti National Security Council (NSC) ti naipadamag a panagdupudop dagiti Chinese college students a naipadamag a nag-enroll iti maysa a lokal a pribado a pagadalan idiay Cagayan.
Gagem daytoy tapno maduktalan no ti presensiada iti pagilian ket pangta iti seguridad.
Segun ken ni National Security Council Assistant Director Jonathan Malaya nga aggargarawen ti intelligence units-da idiay Cagayan tapno ammoen ti presensia dagiti Chinese idiay Cagayan ket pangta iti seguridad.
Inpakaammo ni Malaya nga adu dagiti isyu ti solbarenda maipapan iti presensia dagiti Chinese students ti mapagsasaritaan.
Inbatadna nga agduma ti bilang dagitoy no maidasig iti report ti Bureau of Immigration.
Basar iti report ti Bureau of Immigration a dumanon laeng iti gasut dagitoy ngem iti impormasion ti intelligence ket maisupadi iti bilang gapu ta rumrummuar a rinibu dagiti Chinese.
