LAOAG CITY – Awan pay ti kongresista ti nangipeksa ti suportana iti panawagan nga snap elections ni Senate Minority Leader Senator Alan Peter Cayetano.
Inbatad ni Akbayan Party-list Rep. Chel Diokno, naudi a napasamak ti snap elections idi panawen ti martial law ken adayo ti agdama a situasion tapno maminsan manen a maiwayat.
Para ken ni Akbayan Rep. Perci Cendaña, ti panawagan para iti snap elections ket apagapaman a tone-deaf wenno maisupadi iti kalikagum dagiti tattao a pagsungbaten dagiti nagtakaw iti pundo ti gobieno.
Kuna met ni House Minority Leader ken 4Ps Party-list Rep. Marcelino Libanan, awan iti Konstitusion ti maaddaan ti snap elections.
Inpetteng ni Libanan, no adda ti panagbalbaliw a kasapulan nga ilungalong ket nasken daytoy nga ipadalan iti Constitutional Convention, Constituent Assembly wenno People’s Initiative.
