LAOAG CITY – Nagballaag ti The Philippine Coast Guard (PCG) kadagiti seafarers nga agop-operar iti northern Luzon mainaig iti rocket debris nga in-launch ti China idi Martes, Hunio16.
Ti maysa a pakdaar dagiti marino a napetsaan Hunio 19 a naawat ti kameng ti PCG station idiay Isabela ti panangiparuk-at ti China ti Long March 7A manipud Wenchang idiay Hainan.
Kinuna ti PCG a masapul a liklikan dagiti seafarers dagitoy a lugar no mabalin para iti bukodda a kinatalged.
Nabalakadan pay ti publiko nga i-reportda ti aniaman a makitada a debris mainaig iti pannakaipatayab ti rocket iti PCG station idiay Isabela.
Kabayatanna, awan pay ti inparuk-at ti Philippine Space Agency (PhilSA) nga advisory mainaig iti pannakaipatayab iti nasao a rokect. Ti mapa ti Coast Guard a mangipakpakita iti drop zone ket addaan iti selio ti PhilSA.
