LAOAG CITY – Inpakaammo ni Philippine Councilors League President Handy Lao nga adda ti maiyuswat a programa a pannakaipaay ti pammigbig kadagiti naggraduar wenno nagngudon ti terminona a konsehal ditoy probinsia babaen iti Philippine Councilors League Ilocos Norte.
Inbatadna nga iti intero a pagilian a Pilipinas ket adda ti agarup uppat a ribu a bilang dagiti naglippas ti terminonan.
Inlawlawagna nga iti probinsia ti Ilocos Norte ket adda ti pakabuklan nga agarup 40 a konsehal a naggraduar ken manamnama nga umawat ti pammigbig.
Kabayatanna, daytoy a programa ket maangay idiay San Juan, La Union inton Hunio 27 agingga iti 28 ita a tawen.
